«Есептеу техникасы және ақпараттық желілер (түрлері бойынша)» мамандығы - адам қызметінде ең жылдам дамып келе жатқан салалардың бірі. Осы ретте, мектеп түлектерінің көпшілігі осы мамандықты таңдауды армандайды. Сонымен қатар бұл кәсіп бірқатар мамандықтарға бөлінеді.

Түлектердің кәсіби қызмет саласы: жүйелік және желілік бағдарламалық қамтамасыз етуді сүйемелдеу, баптау және әкімшілендіру; серверлік және желілік жабдықтарды пайдалану және қызмет көрсету; бағдарламалық-техникалық құралдардың жұмысқа қабілеттілігін диагностикалау және мониторингтеу; желілік инфрақұрылым объектілерінің ақпаратты резервтеу тұтастығын және ақпараттық қауіпсіздігін қамтамасыз ету.

«Есептеу техникасы және ақпараттық желілер (түрлері бойынша)» мамандығы мынадай бағыттар бойынша кәсіби мамандарды дайындайды:

- Компьютерлік аппараттық қамтамасыз ету операторы; 

- Желілік және жүйелік әкімшілендіру технигі;

- Деректер базасын әкімшілендіру жөніндегі техник.

Әр бағыт бойынша колледжде оқуды аяқтағаннан кейін жоғары оқу орнында оқуын жалғастыруға болады.